Ljósmyndasýningin ÍSÓ 2015 er viðamikil sumarsýning félagsmanna Félags íslenskra samtímaljósmyndara, FÍSL. Sýningin opnar laugardaginn 20. júní og verður opin til 11. júlí í gömlu rækjuversmiðjunni að Sindragötu 7 á Ísafirði.
Listamennirnir koma víðsvegar af landinu og eru verkin af ýmsum toga en eiga það sameiginlegt að vera ný, sköpuð á árunum 2014 eða 2015.
FÍSL stendur fyrir sýningunni og menningarveislunni sem henni fylgir. Efnt verður til viðburða allar sýningarhelgarnar, meðal annars með leiðsögnum um sýninguna, tónlistaratriðum og fleiru.
Sunnudaginn 21. júní fara fram pallborðsumræður þar sem sýningin verður skoðuð frá ýmsum hliðum. Sæti við pallborðið eiga listfræðingurinn Æsa Sigurjónsdóttir, Jón Sigurpálsson myndlistamaður og forstöðumaður Byggðarsafns Vestfjarða ásamt Einari Fal Ingólfssyni, ljósmyndara og meðlim í FÍSL. Fundarstjóri verður Spessi, ljósmyndari.
Sýnendur eru 21 talsins, þau:
Agnieszka Sosnowska, Bjargey Ólafsdóttir, Charlotta María Hauksdóttir, Einar Falur Ingólfsson, Friðgeir Helgason, Hallgerður Hallgrímsdóttir, Heiða Helgadóttir, skúta, Inga Sólveig Friðjónsdóttir, Ingvar Högni Ragnarsson, Jóna Þorvaldsdóttir, Katrín Elvarsdóttir, Kristín Hauksdóttir, María Kjartansdóttir, María Kristín Steinsson, Pétur Thomsen, Rúnar Gunnarsson, Sigurður Gunnarsson, Sigurður Mar Halldórsson, Spessi og Valdís Thor.
Sýningin er haldin af FÍSL í samstarfi við Ísafjarðarbæ, 3 x Technology og Landflutninga.
Fylgist með á Facebook: https://www.facebook.com/events/1599559363660421/